但係呢幾年巴士生活, 唯一得著就係俾我知道呢個世界咩人都有, 一樣米養百樣人,最令人討厭就係用雙膝頂住前排座位既人, 香港人唔係特別高,對腳又唔係特別長, 坐十次巴士都有五六次俾人頂住頂住, 你話你係姚明就話je, 最衰係頂完仲要不停郁, 係咁轉係咁轉...我記得有次我同佢鬥頂, 真係好想一野批落去個位到, 到時"傷膝"既就唔好嘈!!
又有一種人就係係巴士打機既人又較到個喇叭大大聲既人, 鬼唔知你打緊Monster Hunter, 你爆左seed我唔想知喎!!!
第三就係講電話講到成架巴士搭客都分享緊既人, Internet係興sharing, 不過share 得黎我都可以選擇聽or唔聽, 但你講電話既內容, sorry!!我唔想聽, 俾我靜下得唔得, 朝早返工, 好眼訓, 返左成日工, 好倦!
我都知搭巴士有時都幾悶, Roadshow個節目又唔係日日更新, 成日都播埋"嘩, 咁快就減倒15磅", "你都要減啦,bb", "纖形22幫倒妳"....但你想娛樂既同時, 唔該諗下坐係你附近既人, 有d 人可能捱左一個通頂, 剛收工回家, 又有d 人可以陣間要去考試, 係巴士做緊最後衝刺....
沒有留言:
發佈留言